Innsatsleiar: - Vitne skal ha sett høg sjøsprøyt

Klokka 15.34 blei det meldt om eit småfly som hadde problem, og at det truleg hadde gått ned i eller ved Vinddalsvatnet på Søfteland. Store ressursar er på staden.

Innsatsleiar Frank Listøl opplyser vel kl 17 at småflyet som er meldt sakna, skal ha vore på veg frå Stord til Flesland, men etter å ha oppdaga lydar i flyet, skal det ha snudd sørover att mot Ulven. 

Sjå siste oppdateringa frå innsatsleiar: - Framleis ingen teikn til flyet

Leiar i Bergen Aero Klubb, Bjørn Egenberg, stadfestar i ettermiddag at det er snakk om eit toseters Super Decathlon som flyklubben eig.

Bergen Aero Klubb eig flyet: — Håpar framleis det har gått bra

Høg sprut

Ifølgje Listøl skal eit vitne ha sett ein høg sjøsprut i Vinddalsvatnet. Denne skal ha vore 'så høg og unormal' at dei ikkje kan sjå bort frå at det kan ha vore eit fly. 

Det skal vera denne observasjonen som gjer at søket har vore konsentrert kring Vinddalsvatnet. Vatnet skal vera 39 meter på det djupaste.

Listøl legg til at dei også har observert eit varmeriss i vatnet, som er målt frå  helikopter.

– Kombinasjonen av vitneutsagn og varmeriss i vannet har gjort at dei konsentrerar søket der.

Neste oppdatering frå politiet på staden kjem truleg kl 18.

Les også: Kommunen står parat med dei ressursane som HRS måtte etterspørja