- Er det ikkje viktigare å redda liv enn å vera totalavhaldande?

Dette spørsmålet vart stilt etter at ei kvinneleg båtførar redda ein mann i land, for så å bli meldt for promillekøyring. - Dei kjenner ikkje bakgrunnen, svarer politiet.

Etter at «Os og Fusaposten» i helga skreiv om kvinna som vartpromilletatt etter å ha redda mann frå sjøen, fekk avisa ei rekkje spørsmål frå lesarane. Dei reagerte på at kvinna vart meldt for å ikkje ha vore edru når ho tilsynelatande hadde redda ein mann frå ei ulukke.

- Burde ho berre ha late fyren drukna? Så kunne ho blitt sitjande i båten og venta på betre tider? Då hadde ho gjerne ikkje blitt teken for promille, kommenterte ein lesar.

- Er ikkje naudverjeretten viktigare enn avhald i slike saker? spurde ein annan.

- Ikkje naudverje

Når «Os og Fusaposten» vidareformidlar dette spørsmålet til

politioverbetjent Audun Hadler-Olsen seier han at det ikkje er snakk om naudverje i dette tilfellet.

- Omstenda tilseier at det er noko anna som har skjedd her. Dei som seier dette kjenner ikkje foranledningen til anmeldinga, seier Hadler-Olsen.

- Kva var foranledninga då?

- At ho vart meldt kom av at ho har køyrt i påverka tilstand forut for det som skjedde i hamna, seier Hadler-Olsen.

Å redda liv kjem fyrst

- Men ein må vel prøva å redda liv sjølv om ein har drukke litt?

- Ja, det er klart at å redda liv kjem fyrst. Men det er ikkje lov å køyra båt i berusa til stand, noko som altså skjedde før enn at mannen fall i vatnet, seier politioverbetjenten.