Endre Brenne gir seg som Os-trenar: — Trer til side av personlege og familiære årsaker

Etter sju år som herrelaget sin trenar, har Endre Brenne valt å tre til side av personlege og familiære årsaker, skriv Os Fotball i pressemeldinga.

Klubben rosar Brenne for å ha sjonglert rollene som dagleg leiar for fotballgruppa og hovudtrenar for herrelaget 'på meisterleg vis i mange år'. 

— Han har sett stort preg på fotballen på Kuventræ og utvikla både kulturen og laget, og det ligg enormt med tid og energi bak. Han har investert nær all si tid til klubben og laget, og det var difor med tungt hjarte han i dag valte å tre til side som Os sin herrelagstrenar av personlege og familiære årsaker, heiter det i pressemeldinga.

Klubben skriv at den har stor respekt for valet og takkar Endre for 'hans enorme innsats som trenar for herrelaget'. 

— Me er glade for at Endre held fram i rolla som dagleg leiar for Os Fotball, og arbeidet med å utvikla klubben vidare. Zsolt Korcsmár vil leia laget den neste tida, og Torkel Hjertnes og Vegard Leikvoll Moberg vil i ein overgangsperiode bistå i trenarteamet. Klubben kjem tilbake med endeleg trenarkabal så snart alle brikker er på plass, avsluttar dei pressemeldinga.