Spelarbørs: Vegard Skeie er kanskje leiaren Os treng

Det er få andre enn Vegard Skeie som ein høyrer ropa, peppa opp lagkameratane, og som stiller høglytte krav til seg sjølve og dei rundt. Unge Skeie var éin av få lyspunkt i kampen mot Vestfossen

Keeper: Chris Sunde Midtun – 5

Solid inngripen i første omgang. Trygg og vakent ute ved fleire høve. Kunne kanskje vore ute i feltet då Vestfossen skåra på hjørnesparket.

Høgreback: Anders Havsgård - 6

Dagens friskaste framover i banen. I alle høve i første omgang braut han godt og kom på fleire gode overlappar. Innlegga var også av bra merke. Dessverre forsvann han ut av kampen etter kvilen.

Midtstoppar: Jonas Fagerbakke Hovland - 5

Gjorde ting enkelt og klokt. Vart skadd, og kom ikkje ut etter kvilen.

Midtstoppar: Dagens osing: Vegard Skeie – 6

Ruver i lufta, leser godt og styrer forsvaret bra. Ein leiartype Os kjem til å trenga i rekkjene der bak utover hausten.

Venstreback: Harry Moore – 4

Hadde to overlappar i første omgang og eit par raid etter kvilen. Tar mykje ansvar bakover ettersom Mats Cato er framfor.

Høgre indreløper: Steffen Kvamsdal – 3

Veldig anonym. Eit par gode oppløpninger og noen fine kombinasjoner med Havsgård i første omgang.

Sentral midtbane: Rune Mo – 4

Ingen god førsteomgang. Prøvde på korte ein-touch-pasningar, men bomma litt for ofte. Skapte stygge brot. Spelte seg opp etter pausen og hadde gode oppløpningar.

Venstre indreløper: Marius Mikkelsen – 5

Gode retningsbestemte mottak i første omgang. Blant dei på midten som klarer å venda opp og få seg rom. Dessverre sat ikkje pasningen etter det alltid like godt.

Høgrekant: Fabian Bødtker Måtte ut med skade etter ti minutt. Spelte for kort tid til å bli vurdert. Synd, for han såg frisk ut i starten.

Spiss: Roger Ekeland – 3

Ingen god dag på jobb. Lukkast ikkje godt som møtande spiss, og fekk for få gonger sjansen som det han er best som, rettvendt. Touchen sat ikkje denne gongen dessverre.

Venstrekant: Mats Cato Moldskred – 5

Ingen toppkamp, men han er éin av få spelarar som skapar litt rom med raidene sine. Bør kanskje sleppa ballen litt tidlegare ved nokre høve, og så sakna me verkeleg skot fra denne karen i dag.

Innbyttarar:

Kant/Midtstoppar:

Torgeir Lunde - 5

Torgeir er poteten. Fekk jobben med å spela kant i første og stoppar i andre. Løyste oppgåvene sine greitt.

Kant: Sander Kvittingen - 4

Kjem til éin stor sjanse, men får ikkje stokka beina raskt nok. Hadde til liks med resten av laget litt problem med touchen på den tørre banen.

Elles kom Rafael Villen Villen inn for Steffen Kvamsdal, og Henrik Sperrevik for Anders Havsgård utan at dei spelte lenge nok til å bli vurderte.

kenneth.svenningsen@osogfusa.no