Skal ha funne seg ny klubb. Følgjer i fotspora til ein annan osing
Det skriv TV 2 måndag.
Måndag ettermiddag skriv TV 2 at Vegard Leikvoll Moberg (31) har skrive kontrakt med ny klubb.
Etter det TV 2 erfarer, skal osingen ha skrive under på ein toårsavtale med Kongsvinger, som i år var nære på å rykkja opp til Eliteserien.
Artikkelen held fram under annonsen.
Med det, ser det ut til at Leikvoll Moberg kjem til å gå i Mats Cato Moldskred sine fotspor. Moldskred fekk i si tid i underkant av 100 kampar for klubben.
Det blei for nokre veker sidan klart at osingen ikkje kom til å få ny kontrakt med SK Brann, og at det dermed blei med éin sesong for raudtrøyene.
Os & Fusaposten har vore i kontakt med Leikvoll Moberg som på noverande tidspunkt ikkje ønskjer å kommentera saka.
