Ny smell for Lysekloster

Vålerenga 2 blei for sterke for Lysekloster, som framleis står utan poeng i 2. divisjon.

- Dette er det fjerde eittmålstapet vårt på fire kampar. Vi gjer for mange personlege feil. Nett no ser det skummelt ut, med fire strake tap, men eg har tru på at vi kan snu trenden. Vi må berre få luka bort personlege feil, seier formann Svein Kollen.

Lysekloster fekk den første store sjansen i kampen etter ti minutt, men ingen av angriparane fekk ein fot på det presise innlegget. I staden var det bortelaget som tok føringa to minutt seinare. Men det gjekk ikkje lang tid før heimelaget utlikna. Baste Jonassen tok ansvar og sytte for at laga var like langt. Omgangen var prega av upresist spel, og ein keeper-tabbe skulle vera forskjellen på laga ved pause. Eit skot som såg ut til å vera ufarleg gjekk mellom beina på Lyseklosters keeper Chris Sunde Midtun etter ca 25 minutt.

Lysekloster jobba på i andreomgang for å få utlikninga, men dei klarte ikkje å skapa flust av sjansar. Det var i staden bortelaget som auka leiinga med om lag ti minutt att å spela. Lysekloster reduserte kort tid før sluttsignalet gjekk ved Ståle Steen Sæthre, men heimelaget kom ikkje nærare. Lysekloster ligg på botn av tabellen etter fire kampar spelt. Neste kamp går borte mot Vidar laurdag.

Laget som starta - LIL: Chris Sunde Midtun, Gojko Ivkovic, Ola Sjømæling, Denis Ljubovic, Aleksander Andersen, Ståle Steen Sæthre, Baste Jonassen, Hans-Christian Nysæther, Thomas Helland, Tommy Gaustad og Christer Bergesen Olsen.

Vålerenga 2: Adrian Jonuzi Møller, Mats Andersen, Christian Borchgrevink, Henning Andersen, Sander Pettersen, Rino Falk Larsen. Ulrik Mathisen, Erikson Spinola Lima, Simen Kristiansen Juklerød, David Gyedu-Nkuah og Henrik Udahl.

Innbytarar med speletid - LIL: Sigve Rørstad, Sindre Hitland Flaa og Ken-Joar Fløyen.

Vålerenga 2: Aron Dønnum, Mortadah Jassim Alkanany og Brede Sandmoen.

Gule kort LIL: Baste Jonasen, Christer Olsen, Sigve Rørstad, Gojko Ivkovic, Ståle Steen Sæthre og Hans-Christian Nysæther.

Vålerenga 2: Henning Andersen.

Mål LIL: Baste Jonassen (22) Ståle Steen Sæthre (90).

Vålerenga 2: Simen Juklerød (12), Juklerød (25) og Aron Dønnum (82).