Godt nøgde volleyball-herrar
Volleyballherrane til Søre Neset var godt nøgde med å hevda seg i opningscupen i Haukelandshallen.
Åpningsturnering 2016
Søre Neset stilte me tre lag i opningsturneringa i volleyball i Haukelandshallen sist helg. To damelag i klassen for 2. og 3. divisjon, og eitt lag i klassen for herrar 2. til 3. divisjon.
Artikkelen held fram under annonsen.
Førstelaget til damene tok seg greitt vidare til sluttspel etter å ha vunne to av tre kampar i innleiingsrunden (Snil-Kvernbit 2-0 og Snil-Florø 2 2-0).
Men i kvartfinalen måtte jentene gje tapt for Sunnfjord. Kampen enda med 0-2-tap etter settsifra 20-25 og 12-25.
Sunnfjord vann til slutt heile klassen etter å ha vunne 2-0 over Rossvoll i finalen.
Glade for siger
Andrelaget til damene tapte sine tre kampar innleiingsvis (0-2 for Viking, 0-2 for BSI og 0-2 for Gneist 2). Dermed vart det B-sluttspel for andrelagsdamene. Her vart det igjen 0-2-tap. Denne gong for Førde 2 etter settsifra 8-25 og 12-25.
Herrelaget, som i seriesamanheng spelar i 4. divisjon, deltok i helga i klassen for 2. og 3. divisjonslag. Det vart sjølvsagt tøft. Men gutane vann ein kamp og var godt nøgde med det.
Sigeren kom mot Kvernbit. Osingane vann 2-0 etter settsifra 25-15 og 25-15.
Mot Viking, Studentspretten og BSI vart det elles tap 2-0.
Søre Neset-damene sitt førstelag serieopnar borte mot Viking laurdag 22. oktober.
Artikkelen held fram under annonsen.
For andrelagsdamene og herrane vert det denne sesongen fire seriehelgar, to før og to etter nyttår.
