Er dei den råaste familien i Os?
Nokre samlar på frimerke. Familien Valle/Førde diggar triatlon.
Familien Valle/Førde frå Os er hakket tøffare enn andre familiar. Sist helg deltok mamma Jannicke Førde (41), pappa Frode Valle (45) og eldstemann Sondre Valle (12) i triathlon-konkuransane Ironman 70.3 og Ironkids i Haugesund.
Sondre symde 200 meter, sykla tre km og sprang 1.500 meter.
Artikkelen held fram under annonsen.
I herre- og kvinneklassen galdt det å symja 1,9 km, sykla 90 km og til slutt springa 21 km.
Og medan dette var Frodes tredje triatlon, var det sjølvaste debuten for mamma Jannicke.
– Ei fantastisk oppleving. Og gull verdt å ha ein heiagjeng på sidelinja, jublar Jannicke som no er attende på jobb - med heftig gangsperr.
– Ja, eg kjenner at kroppen er tynt til det ytterste. Og litt til, ler ho.
No er det berre veslesyster Sanne (9) som ikkje har «gjort» ein triathlon.
– Men etter å ha vore publikum i år, er ho veldig tydeleg på at neste år skal ho også vera med, seier Jannicke.
anne-marie@osogfusa.no
