Trygve Lerch Dahl, Fredrik Andresen og keeper Hans Brunvatne fekk det tøft mot Gloppen. Med fulltalleg lag på onsdag klarte dei brasane heime mot Gneist. (Arkiv Foto: Camilla Kvamme

Drog sigeren i land

Onsdag kveld tok Os-herrane sin første heimesiger for sesongen då dei slo Gneist 30-27.

Kenneth Svenningsen kenneth.svenningsen@osogfusa.no

Publisert: 01.10.2015 10:23 Sist oppdatert: 21.03.2017 15:10

Det er korte intervall mellom kampane i starten Os-herranes handball-sesong. Søndag tapte Os-herrane 22-29 for Gloppen. No onsdag var det klart for ny heimekamp. Denne gong mot Gneist.

Det var lenge eit jamt oppgjer i Oshallen. Til pause stod det 14-14. Men etter kvilen la osingane inn tung-giret og drog i frå dei kvit-blå gjestene frå Fana.

Med Ove Lyssand, Joachim Nøkleby og Nils Andris Hamre tilbake i lagoppstillinga stod dei gul-svarte distansen litt betre enn i sist kamp mot Gloppen. Etter å ha mista litt av trykket frå midtveges i omgangen, skjerpa Os-herrane seg mot slutten av kampen og drog til slutt heim ein fortent siger.

Dermed står osingane med to sigrar og eitt tap sålangt i sesongen.

Neste kamp for Os-herrane er borte mot Kjøkkelvik tysdag 13. oktober.