Norenesingane kjappast blant 7. klassingane

Det var kanonstemning då dei eldste barneskuleelevane i Os gjorde opp seg i mellom i Osbadet onsdag.

For niande året på rad arrangerte Osbadet Osmeisterskapen i symjing for 5.-7. klasseelevar. Årets resultat viser til fulle at symjesatsinga i bygda ber frukter.

- Dei beste enkeltresultata i dag var det Tracy Malene Holm frå 6. klasse på Nore Neset og Emil Austevoll Harlem frå 5. klasse på Kuventræ som stod for. Dei sette ny banerekord for sitt årstrinn med høvevis 15,16 og 15,34 på 25 m fri. Men for all del, me har sett ei enorm utvikling generelt sett. Det er tydeleg at dei yngre generasjonar kan symja, seier stemneleiar Torbjørg Brattabø.

Ellevill stemning

Denne gongen prioriterte «Os og Fusaposten» dei eldste. 7. klassingane var klare for finalar då «Os&FusaTV» rigga kamera onsdag ettermiddag.

- Dette stemnet her er heilt suverent. Elevane diggar det, og alle som deltek har det kjempemoro, seier Kjetil Gulbrandsøy frå Kuventræ skule. Pieter A. Derksen ved Nore Neset skule er samd.

- Dei er verkeleg proffe på dette arrangementet og det er kjempekjekt for elevane å få delta i denne meisterskapen, seier han.

Dei to presiserte før finalane at det viktigaste var deltaking, men då startskota gjekk, var både lærar Kjetil og lærar Pieter svært så engasjerte når dei heia fram sine håpefulle.

Elevane var hakket villare. Både frå terapibassenget og frå kanten av konkurransebassenget ljoma heiaropa, og for kvar gong ein utøvar nådde mål, sprang klassekameratane og veninnene bort og gratulerte dei stolte vinnarane.

Tre gull på Johannes og Katrine

Heiagjengane frå Nore Neset, Lysekloster, Lunde, Hegglandsdalen, Søfteland og Kuventræ skular gjorde så absolutt jobben i Osbadet, men det var førstnemnde gjeng som fekk mest å jubla for.

Først drog både Johannes Meidel Eikeland og Katrine Madelen Li heim sigeren i både bryst og fri. Deretter vann dei to, og resten av skulelaget, den prestisjetunge 4 x 25 m-stafetten som avslutta dagen i Osbadet.

Nore Neset var ganske sikkert skulenamnet som runga høgst rundt bassenget på Kuventræ onsdag.

Resultat:

25m bryst, J5B - Finale:

1p Karianne, Nore Neset barneskule, 2p Helene, Os barneskule, 3p Mathea, Os barneskule

25m bryst, G5B - Finale:

1p Kristoffer, Os barneskule, 2p Brede, Nore Neset barneskule, 3p Martin, Os barneskule

25m fri, J5F - Finale:

1p Karianne, Nore Neset barneskule, 2p Phoebe, Os barneskule, 3p Nora, Søfteland barneskule

25m fri, G5F - Finale:

1p Emil, Os barneskule, 2p

Brede, Nore Neset barneskule, 3p Sebastian, Kuventræ barneskule

4*25m lag mixed 5.klasse - Finale:

1p Os barneskule, 2p

Nore Neset barneskule, 3p

Kuventræ barneskule

25m bryst, J6B - Finale:

1p, Emma, Nore Neset barneskule, 2p, Janne, Nore Neset barneskule, 3p Tracy, Nore Neset barneskule

25m bryst, G6B - Finale:

1p, Even, Kuventræ barneskule, 2p, Nicolas, Søfteland barneskule, 3p Hans Arne, Os barneskule

25m fri, J6F - Finale:

1p, Tracy, Nore Neset barneskule, 2p, Janne, Nore Neset barneskule, 3p, Emma, Nore Neset barneskule

25m fri, G6F - Finale:

1p, Even, Kuventræ barneskule, 2p, Jonathan Lunde barneskule, 3p Marius, Lunde barneskule

4*25m lag mixed 6.klasse - Finale:

1p, Nore Neset barneskule, 2p, Os barneskule, 3p,

Lunde barneskule

25m bryst, J7B - Finale:

1p, Kathrine, Nore Neset barneskule, 2p, Levi, Os barneskule, 3p, Live, Søfteland barneskule

25m bryst, G7B - Finale:

1p, Johannes, Nore Neset barneskule, 2p, Andreas,

Os barneskule, 3p, Vegard, Hegglandsdalen barneskule

25m fri, J7F - Finale:

1p, Kathrine, Nore Neset barneskule, 2p, Emma, Lunde barneskule, 3p, Carina, Os barneskule

25m fri, G7F - Finale:

1p, Johannes, Nore Neset barneskule, 2p, Henrik, Kuventræ barneskule, 3p, Cobi, Os barneskule

4*25m lag mixed 7.klasse - Finale:

1p, Nore Neset barneskule, 2p,

Os barneskule, 3p,

Kuventræ barneskule