Bamsens redningsmann
Då Nils (4) sin bamse – Nillo – vart attgløymt på feil side av fjorden, måtte sjølvaste soknepresten til pers.
Onsdag kveld vart av den triste sorten for Nils Sveinsson Holmefjord på Holdhus. Etter eit besøk i Os var bamsen attgløymt, og mor Kristin Holmefjord la ut følgjande rop om hjelp på Facebook.
– Nillo er sårt sakna. Er det nokon som skal frå Os i retning Eikelandsosen dei næraste dagane, og som kan gje ho skyss?
Artikkelen held fram under annonsen.
Sokneprest i Fusa Einar Ekerhovd vart kopla inn. Han skulle til Fusa på skjærtorsdagsgudsteneste, og som busett i Os, må han over fjorden.
– Når eg skulle den vegen likevel, så var det ikkje vanskeleg å seia ja til å gje Nillo skyss, småler Ekerhovd.
Ikkje første gongen
Mor Kristin seier at jubelen stod i taket heime så snart det vart klart at presten tok med seg den kjære bamsen med til Fusa. Ho kan røpa at det ikkje er første gong bamsen stikk av.
- Bamsen blei igjen i ei kyrkje i Bergen. Då var det den ortodokse presten i Os, Dmytro Ostanin, som blei redningsmannen.
