Vil sikra Kongshaug musikkgymnas
Stortingsrepresentant Kjersti Toppe (Hordaland Sp) tek til orde for at Kongshaug musikkgymnas framleis skal ha rett til momskompensasjon, også for internatdrifta.
Skatt Vest varsla tidelgare i haust Kongshaug Musikkgymnas om mogleg oppheving av momskompensasjon. I verste fall kan det gje ekstrarekning på 6 millionar kroner.
Les meir:Kan få ekstrarekning på seks millionar over natta
Artikkelen held fram under annonsen.
- Eg meiner det er eit politisk ansvar å leggja til rette for internatskular. Då er det heilt uakseptabelt at regjeringa si manglande handlekraft i denne saka kan føra til at tradisjonsrike skular som Kongshaug musikkgymnas må leggja ned eller redusera tilbodet til elevane, seier Toppe og held fram:
- Når skular plutseleg får rekningar på opptil fleire millionar kroner dumpande ned i postkassa utan at dei har gjort anna enn å fylgje regelverket slik det vart tolka før 2015, er det merkeleg at regjeringa ikkje reagerer, seier Toppe.
I eit såkalla representantframlegg føreslår Senterpartiet difor at internatdrifta ved skulane framleis skal vere omfatta av momskompensasjonsordninga.
Også SP-leiar Trygve Slagsvold Vedum har signert framlegget.
