Vegstenging gonger to
Os kommune stengjer Ole Bulls veg onsdag, og Mobergslia i periodar frå om med i dag til og med fredag. Årsaka er utskifting av veglys og dekkearbeid.
Ole Bulls veg vert stengt frå 8 om morgonen til 15 om ettermiddagen onsdag. Det vert omkøyring via Åsen medan vegljosa vert skifta.
- Ved dårleg vêr eller andre uventa vanskar, kan arbeidet verta utsett, opplyser Os kommune i ei pressemelding.
Artikkelen held fram under annonsen.
Mobergslia vert også stengt i periodar denne veka. Dekkearbeidet starta i dag klokka 10.30, og skal etter planen fullførast innan fredag klokka 16.
- Vegen kan verta stengd i inntil éin time om gangen frå tysdag klokka 10.30-16, og onsdag til og med fredag frå klokka 8-16, heiter det i meldinga frå kommunen.
Også her kan arbeidet verta utsett ved dårleg vêr eller andre uventa vanskar. For oppdatert informasjon sjå Os kommune sine nettsider.
