Ungdomar skal ha kasta stein på bil
Hendinga kan bli meld.
Rett over klokka 04.00 natt til søndag, skal ein førar av eit køyretøy ha fått sprekker i frontruta si.
— Truleg fordi nokre ungdomar kasta stein.
Artikkelen held fram under annonsen.
Det melder politioverbetjent Atle Birkeland, ved Bjørnafjorden politistasjon.
— Politiet var på staden og fekk kontrollert aktuelle personar. Det er mogleg at hendinga blir meld i ettertid.
På eitt hjul
Kring klokka 01.30 kom politipatruljen over ein MC som køyrde på bakhjulet ved Ulven. Politiet opplyser å ha oppretta sak og førarkortet er beslaglagt. Føraren er under 20 år, skriv politiet i ein e-post.
Like før midnatt reiste politiet til ei adresse i Os sentrum. Årsaka skal ha vore høg musikk og støy frå staden. Festen blei avslutta av politiet.
Slo hovudet
Like før midnatt skal ein person ha blitt dytta i Os sentrum slik at vedkomande fall og slo hovudet.
— Fornærma fekk tilsyn på legevakta. Dette dreier seg truleg meir om rus enn om ein valdsepisode, opplyser Birkeland.
