Ung sjåfør vart teken imot av politiet på Halhjem ferjekai
20-åringen fekk tilsnakk for stygge forbikøyringar og høg fart.
Politiet vart torsdag kring kl 15 kontakta av ein person på ferjekaien på Sandvikvåg.
Meldaren var uroa etter å ha blitt forbikøyrt på ein stygg måte av ein bil i høg fart på strekninga Jektevik-Sandvikvåg.
Artikkelen held fram under annonsen.
Venta på kaia
Politiet stilte seg dermed opp på Halhjem ferjekai for å ta imot den uvørne sjåføren.
Der fekk sjåføren, som var ein ung mann på 20 år, klar beskjed om kva politiet meinte om køyringa hans.
— Han vart ikkje ilagd nokon reaksjon, for vi hadde ikkje noko måling i saka. Men han fekk seg ein skikkeleg strekk, opplyser politioverbetjent Anne Lyssand.
Mannen blåste grønt og vart beden om å køyra fint vidare.
