Tre sperra Hatvikvegen

Eit tre måtte gje etter for vindkasta i Hatvikvegen i kveld.

I 20-tida i kveld meldte Vest politidistrikt på Twitter at eit tre var velta i Hatvikvegen i Os.

– Vegen er sperra. Ingen passasje, var beskjeden frå politiet.

Passasjerar som kom med 20-ferja frå Fusa vart oppmoda om å køyra om Berge, og då Os og Fusaposten var på staden like før klokka 21, heldt ein på med oppryddingsarbeidet.

– Treet låg over straumleidningane. Vi må undersøkja om det er bevegelse i dei andre trea, men planen er å opna vegen snart, sa politibetjentane på staden.

Klokka 21.28 melder brannvesenet at dei er på veg til Hatvikvegen for å sjekka nokre tre som kan falla over vegen.