Tre ruter blei knust: — Folk var på kontoret og høyrde det

Politiet har ein mistenkt.

Måndag ettermiddag fekk politiet i Fusa melding om skadeverk på kommunal eigedom.

Då skal tre ruter på kommunetunet på Leiro ha blitt knust.

— Det er doble glas. Berre dei ytste er knust, fortel tenestestadsleiar ved Fusa politistasjon, Anders Opsal.

Politiet held til eit steinkast unna der skadeverket fann stad, men dei var ikkje på Fusa-kontoret måndag. Dei var på Tysnes.

Meldinga kom inn kring kvart over tre. Politiet har ein mistenkt i saka. Ein mann, fortel Opsal.

— Folk var på kontoret og høyrde det. Ein mann er observert der det skjedde. Vi var ute og såg etter han, men fann han ikkje, seier Opsal.