Trailer skapte problem på glatta
Ein trailer på glatten skapte problem for andre bilistar i Fusa torsdag morgon.
- Ein trailer skapte trafikale problem då han ikkje kom seg opp bakken frå Venjaneset torsdag morgon, fortel politibetjent John Kvinnesland ved Fusa lensmannskontor
Politiet måtte trø til og dirigera trafikken forbi staden der traileren stod fast.
Artikkelen held fram under annonsen.
- Det er svært glatte vegar i Fusa no, seier Kvinnesland.
Han oppmodar folk om å køyra forsiktig.
Det var i 7.30-tida at traileren som var på veg frå ferjekaien fekk problem med å koma seg opp bakken. Problemet oppstod ved den nye fotgjengarbrua ved krysset mellom hovudvegen og vegen mot Opsalmarka.
