Fekk bruksforbod for manglande lastsikring
Statens vegvesen gjennomførte trafikkontroll på Halhjem og Hjellmarka torsdag. Dei valde å sjå nærare på 25 køyretøy.
– Vi kontrollerte både lette og tyngre køyretøy, og stoppa totalt 33 køyretøy. 25 av desse tok vi ein nærare kontroll av, fortel Knut Sylta i Statens vegvesen.
Resultatet av kontrollen vart ti skriftlege manglar og to bruksforbod – eitt for manglande lastesikring og eitt for ikkje å medbringa vognkort på utanlandsk-registrert semitrailer. Dette fekk føraren 500 kroner i gebyr for.
Artikkelen held fram under annonsen.
Tre sjåførar fekk gebyr for manglande kjetting. Det blei også gitt ut to skriftlege og ei munnleg åtvaring for brot på køyre- og kviletid-reglane.
Sylta fortel at dei i tillegg tok nokre stikkprøver på beltebruk i buss, og informerte kring dette.
– Bruk av belte i buss kunne absolutt ha vore betre, fortel Sylta.
