Tilbyr vaksine til born med underliggjande sjukdom
Born med alvorleg underliggande sjukdom i aldersgruppa 5 til 11 år, kan no få BioNTech/Pfizer-barnevaksine.
Det opplyser Bjørnafjorden kommune på sine heimesider.
Bergen kommune utfører denne vaksinasjonen på vegner av Bjørnafjorden og andre kommunar i bergensområdet.
Artikkelen held fram under annonsen.
– Vaksinering for born som bur i Bjørnafjorden vil skje i Bergen i løpet av veke 3 og 4. Vaksinasjonsstad er Sentralbadet og Åsanehallen, opplyser kommunen
Vaksineringa gjeld desse borna.
Slik går du fram:
* Kontakt legen som følgjer opp barnet ditt eller barnet sin fastlege. Legen melder vidare i systemet.
* Begge føresette må samtykka skriftleg til vaksine. Samtykkeskjema finn du her. Avtal levering av samtykkeskjema/dokumentasjon med kontaktperson i kommunen: Nina Norheim Oen.
* Når samtykket er signert og levert inn, vil Bergen kommune ta kontakt og avtale dato for vaksinasjon.
