Tatt for hærverk
Politiet i Fusa har fått ei tilståing etter hærverket utanfor Fusatun første nyttårsdag.
Natt til første nyttårsdag prøvde ein person å ta seg inn i ein bil utanfor Fusatun. Vedkomande velta også reklameskilt og bosspann, kvelva ein mjølkecontainer og kasta kring seg med brødkassar.
– Vi har gjennomført avhøyr, og ein ungdom som er heimehøyrande i Fusa, har tilstått, fortel politibetjent i Fusa, Anders Opsal.
Artikkelen held fram under annonsen.
– Korleis tok de han?
– Det er kameraovervaking på Fusatun og han blei kjend igjen, seier Opsal.
Framleis ikkje oppklart
I tillegg til hærverket første nyttårsdag, har Ingunn Kristiansen, som er tilsett på Spar Fusatun, fått bilen sin oppskrapt to gonger i løpet av kort tid. Først torsdag 21. desember, så vesle julaftan.
– Ungdomen som har tilstått hærverket første nyttårsdag er ikkje mistenkt i denne saka. Vi har førebels ingen mistenkte, seier Opsal.
