Sklei i stolpe: Bilen varsla via e-call
Naudetatane rykte ut til ulukke på Strønevegen.
Klokka 17 fekk brannvesenet melding via e-call frå ein bil (automatisk ulukkesvarsling). Det opplyser Vest politidistrikt på X.
Naudsignalet viste seg å gjelda ein bil som hadde sklidd inn i ein stolpe i Strønevegen.
Artikkelen held fram under annonsen.
— Det er såpeglatt på staden, opplyser operasjonsleiar i politiet, Eivind Hellesund.
Naudetatane kunne raskt konstatera at føraren, ein ung mann, var uskadd.
— Det er udramatisk. Vi har ikkje mistanke om rus, det er ingen personskader og det var låg fart.
— Her om dagen førte ein kollisjon mot ein stolpe til at bebuarane i området mista straumen?
— Her er det ingenting slikt. Stolpen står, seier Hellesund.
