Skal ha skote fyrverkeri mot hus og personar

Ingen sak oppretta, då det var roleg på adressa då politiet kom.

Laurdag kveld i 23-tida, fekk politiet melding om støy frå ein fest i nærleiken av Osøyro. Meldinga gjekk også på at fyrverkeri skal ha blitt skote mot andre hus og mot folk.

— Ingen personar var skadd. Då politiet kom til staden, var det roleg og festen verka avslutta. Det blei ikkje oppretta sak, opplyser vakthavande politibetjent i ein e-post.

Eit par timar tidlegare fekk politiet melding fyrverkeri-oppskyting på ein fest på Halhjem. Det viste seg at det kanskje ikkje var festdeltakarar som skaut opp fyrverkeri, men at det moglegvis var nokre ungdomar som var i nærleiken.

— Ungdomane fekk pålegg om å forlata staden. Ingen sak oppretta, opplyser politiet.

Klokka 03.00 natt til søndag kom det inn melding om støy frå ein fest på Søfteland. Då politiet kom dit, var det roleg.