Skal ha fyrt opp bål ved butikk — sprang frå staden

Søndag kveld skal nokre gutar ha laga bål ved Kiwi i Idrettsvegen.

— Klokka 20.31 søndag fekk politiet melding om at nokre gutar hadde tent bål ved Kiwi-butikken i Idrettsvegen. Meldar hadde snakka til gutane og dei skal ha sprunge frå staden, opplyser politioverbetjent Anne Lyssand i ein e-post.

Vidare skriv Lyssand at dei hadde tent på tørt gras og greiner. Politiet utførte ingen operative tiltak.

Like før klokka 12 laurdag formiddag kolliderte to bilar like nord for Tøsdalsskiftet.

— Den eine bilen hadde fått sleng på “slapseføre” og trefte ein motgåande bil i fronten, opplyser Lyssand.

Dei var to kvinnelege førarar involverte. Ei i tenåra, og ei i 80-åra, ifølgje politiet.

— Ingen førarkortbeslag. Bilbergar var raskt på staden og fekk fjerna den ein bilen som ikkje var køyrbar. Det blei oppretta sak, skriv Lyssand.