Skal ha blitt valdteken i eigen heim: «Oppgav all motstand» i frykt for at borna skulle vakna

Mannen i 40-åra er no tiltalt for vald, valdtekter og gjentekne brot på kontaktforbod.

Ein av valdtektene som mannen er tiltalt for, skal ha skjedd heime hos ei kvinne i Bjørnafjorden kommune.

Mannen skal ha pressa hendene sine rundt halsen hennar slik at kvinna ikkje fekk pusta.

Ho skal då ha oppgitt all motstand av frykt for å blitt utsett for ytterlegare vald, og av frykt for å vekkja borna sine som sov.

Mannen skal ved fleire seinare høve ha utsett kvinna for vald og valdtekter, og ei lang rekkje med brot på ilagt besøksforbod.

I fylgje tiltalen skal mannen ha vore psykotisk, og det vert truleg nedlagt påstand om overføring til tvungent psykisk helsevern.