Sensasjonelt kontrollresultat i Lepsøykrysset fredag kveld

For ørtande gong dei siste vekene tok UP oppstilling ved Lepsøykrysset på E39.

Og for ein gongs skuld vart resultatet at ikkje ein einaste bilførar vart ilagd nokon reaksjon.

Dermed kan vi konstatera at det er mogleg å overhalda stopp-plikta.

Verre på søndag

Like bra gjekk det dessverre ikkje søndag ettermiddag.

Klokka 17.50 gjennomførte to UP-patruljar ny stoppskilt-kontroll her.

Resultatet vart to forenkla førelegg på kr 7.450 og tre prikkar for brot på stoppskilt.

Ein bil vart også avskilta på grunn av begjæring.