Rykte ut til bilbrann på Nore Neset
Det var truleg ikkje så lurt å oppbevara fyrverkeri i bilen.
Ein bileigar i Skeismyra ringde brannvesenet litt etter klokka 17 i går ettermiddag etter at han kjende røyklukt frå stasjonsvogna på tunet.
Det låg fyrverkeri inne i bilen som tok fyr og brann opp.
Artikkelen held fram under annonsen.
Då brannmannskapet kom til staden, var det heile sløkt. Likevel er bilen truleg totalskadd innvendig.
– Vi kontrollerte og heiv på litt vatn før vi vinsja vekk bilen, fortel vakthavande ved Os brannvesen, Martin Østgulen Svendsen.
– Vi kan ikkje konkludera med at fyrverkeriet var årsaka til brannen, men vi anbefaler ingen å ha slikt liggande i ein bil med mindre ein skal frakta det til og frå ein stad.
Søndag ettermiddag baud på temperaturar på over 30 grader i skuggen på Nore Neset.
– Slike dagar vert det vanvittig varmt inne i ein lukka bil, seier Svendsen.
Brannårsaka vert rutinemessig etterforska av politet.
anne-marie@osogfusa.no
