Rykte ut med fleire bilar: Fekk stoppa ein avtalt slåstkamp ved skule

Det melde politiet laurdag.

I 14-tida fredag fekk politiet tips om ein planlagt slåstkamp på ein skule i Os.

— Vi rykte ut med fleire bilar, og klarte nok å avverja dette, opplyser vakthavande politibetjent i ein e-post.

— Vi er kjende med namn og tek saka vidare i det førebyggjande sporet.

Nokre timar seinare fekk politiet melding om ein lastebil som hadde noko som stakk ut frå sida på hengjaren, og som kunne vera til fare for motgåande bilar.

— Lastebilen blei kontrollert og forholdet blei utbetra på staden ved at sveiven på hengjaren blei stroppa fast, opplyser politiet.