Rekordomsetnad for Amfi
Amfi Os omsette for over 552 millionar kroner i 2015. Det er rekord, og ein auke på over 5 prosent frå før.
- Dette er svært gledeleg, spesielt med tanke på at senteret også hadde ei svært positiv utvikling i 2014, kommenterer ein nøgd senterleiar Silje Lygre i ei pressemelding.
Av den totale omsetnaden stod julehandelen for heile 77 millionar. Fjorårets julehandel starta med Black Friday, og senteret hadde ei omsetningsutvikling på heile 84% denne siste fredagen i november.
Artikkelen held fram under annonsen.
- Vi er svært nøgde med utviklinga på senteret, og vi er godt i gang med planlegginga av 2016, seier Lygre.
Ombygging
Senterleiaren fortel at dei har fleire planar for 2016. Ein av tinga kundane vil merka er ombygginga hos Europris. Her reknar ein med ferdigstilling i løpet av hausten 2016.
- Det er viktig at vi heile vegen utviklar oss som senter, og er med på å sikra eit godt tilbod for osingane og kommunane rundt oss. Vi ser at kundane framleis opplever AMFI Os som ein møteplass, og er svært takknemlege for at så mange kundar vel å handla i Os, seier Lygre, som legg til at dette også er med på å sikra lokale arbeidsplassar.
