Fekk kontakt med mann (70) etter redningsaksjon laurdag
Politiet fekk laurdag kveld kontakt med mannen som hadde vore meldt sakna etter ein tur på Midtsæterfjellet.
Mannen gjekk for eiga maskin då politiet fekk kontakt med han, men det var snakk om kanskje å senda opp ein ATV for å hjelpa han ned siste stykket.
Han var kald, men ellers i god form.
Artikkelen held fram under annonsen.
Ambulanse vart send frå Moberg for at ambulansepersonell skulle kunna sjå til mannen når han kom ned.
Han var då på ein køyrbar veg som gjorde det mogleg å eventuelt henta han med ATV.
– Då verkar dette til å ha gått bra, konstaterte vakthavande ved operasjonssentralen like etter kl 23.30 laurdag kveld, og stadfesta at redningsaksjonen var avblåst og at det var politiet som tok det vidare.
Frivillig mannskap, Norsk Folkehjelp, Norske redningshundar og helikopter var noko av mannskapet som vart kalla ut til redningsaksjonen.