Politiet stilte seg opp etter fleire meldingar om høg fart. Slik gjekk kontrollen

Utførte gjennomsnittsmålingar onsdag kveld.

Etter flere meldingar om høg fart og farleg køyring i Hegglandsdalsvegen, var politiet onsdag tilstades med gjennomsnittsmålingar. Det resulterte i at tre personar blei tatt med for høg fart.

Ein mannleg bilist i 40-åra vart målt til 67 km/t i 50-sonen. Han vedtok eit forenkla førelegg på 5.850 kroner. Han fekk også tre prikkar.

Ein mann i slutten av 20-årene vart målt til 65 km/t i 50-sonen. Vedkomande vedtok eit forenkla førelegg på 4.050 kroner, og fekk i tilegg to prikkar.

Ein mann under 20 år vart målt til 62 km/t. Sjåføren vedtok eit forenkla førelegg på 4.050 kroner. Han var i prøvetida og fekk 4 prikkar.

Eitt køyretøy blei også kontrollert for lysfeil. Her vart det gjeve munnleg pålegg om å utbetra feilen.

– Det er viktig no i mørketida at alle lys fungerer som dei skal, påpeikar vakthavande.