Politiet måtte roa ned ei gruppe på 20 ungdomar som var til sjenanse
— Det var mykje skrik og skrål med dei, ifølgje meldar, seier politioverbetjent, Atle Birkeland.
Det var måndag kveld i 19.30-tida at politiet fekk melding om ei gruppe på 20 ungdomar som var til sjenanse for andre på bussterminalen på Osøyro.
— Dei skal ha halde på ei stund. Patruljen rykte ut, og fann ei større samling av ungdomar i alderen 13—17 år. Dei fekk beskjed om å roa seg ned. Det var mykje skrik og skrål, ifølgje meldar. Dei fekk også beskjed om å respektera andre som var på staden, og ikkje hindra lovleg ferdsle, fortel politioverbetjent, Atle Birkeland.
Artikkelen held fram under annonsen.
Måndag hadde også politiet fleire trafikkontrollar saman med utrykningspolitiet (UP).
— Dei har vore ulike stader langs Byvegen. Resultatet er at éin er mistenkt for ruskøyring. Det er ein mann i 30-åra. Det står ikkje oppført kor mange bilar som blei kontrollerte, eller kva det var fokus på i desse kontrollane, men når ein er ute på kontrollar, plar ein å ha fokus på det meste, seier Birkeland.
