Opnar Lidl-bygget for folket
Måndag kveld inviterer Os Venstre til møte om arbeidsplassar i Os. Og det i sjølvaste Lidl-bygget.
Det er fyrste gongen at det segnomsuste Lidl-bygget vert opna for ålmenta.
- Ja, endeleg får osingane ein sjanse til å sjå gigantbygget, ler nestleiar i Os Venstre og andekandidat ved kommunevalet, Glenn Erik Haugland.
Artikkelen held fram under annonsen.
Gründer-fokus
Temaet for det opne møtet er arbeidsplassar i Os. Fokuset vil vera på gründerar og deira utfordringar, samt små og mellomstore bedrifter.
Representantar frå Innovasjon Norge, Sparebanken Vest og vonadleg også får det nystifta Os Næringsråd, deltek.
- Vi i Venstre meiner politikarane kan gjere langt meir på dette området, men vi synest samtidig at temaet er for viktig til å enda som polemikk i ein politisk debatt. Difor har vi ikkje invitert politikarar til å delta, forklarer Haugland.
Eigarane deltek
- Eignar bygget seg eigentleg for slike arrangement?
- Nei, det gjer det jo ikkje. Folk må kle seg varmt, og vi reknar sjølvsagt ikkje med å fylla bygget, ler han.
- Men eigarane av Lidl-bygget vil vera der. Dei vil gjerne ha idear til kva som kan gjerast i bygget og orientera om kva dei sjølv tenkjer framover, seier Haugland.
- Fleire arbeidsplassar i Os er også den kanskje viktigaste miljøsaka ved haustens kommuneval, Berre tenk om vi kunne fått kutta arbeidspendlinga til Bergen.
