Melder om omfattande oljesøl heilt frå Lyseklostervegen til Kalandseid

Vegtrafikksentralen Vest melder torsdag morgon om omfattande oljesøl.

– Me får mange meldingar om oljesøl på Lyseklostervegen, stod det i meldinga frå Vegtrafikksentralen.

Meldinga kom ut litt før halv ti torsdag morgon.

Oljesølet er på fylkesveg 5156. Strekket det er meldt om mest oljesøl på, er ved asfaltverket som ligg i Åsen, i nærleiken av Fjellanger hundesenter.

Entreprenørar er orientert om saka og har rykt ut, melder Vegtrafikksentralen.

Litt seinare kom det oppdatert melding om at oljesølet skal strekkja seg heilt til Kalandseid.