Nok ein gong deler eit gult farevarsel Bjørnafjorden i to

Det nye varselet gjeld frå klokka 11 i dag.

Igjen er det Fusa-sida av Bjørnafjorden som får eit gult farevarsel for lyn og torevêr.

Frå klokka 11 i dag og fram til klokka 21 i kveld er det fare for lokalt kraftige regnbyer, hagl, lyn og torevêr.

Yr.no har gradert områdekartet med ulik farge alt etter kor sannsynleg det er at vêrvarselet slår til.

For Fusa-sida sin del er det “sannsynleg”, men ikkje “mest sannsynleg” at det brakar laus.

Som alltid gjeld det å unngå bading i sjø og vatn, fjellturar samt opne sletter og store tre.

Det kan koma lokalt kraftige regnbyer, hagl og til og med større hagl som kan føra til skade på til dømes bil eller avling.