– No hastar det å ta influensavaksine
Influensaviruset spreier seg i Noreg. – Vi ser no ei influensabølgje under utvikling.
– Det er framleis ikkje for seint å ta influensavaksine, men det begynner å hasta, seier kommuneoverlege Klaus Melf til Bjørnafjorden kommune sine heimesider.
Dei som vil ta vaksinen, kan kontakta med fastlegen sin.
Artikkelen held fram under annonsen.
– Fastlegane tilbyr vaksinen til risikogrupper til redusert pris. For barn og unge finst det no òg influensavaksine som nasespray, opplyser kommunen.
Dette er risikogruppene:
Personar over 65 år
Gravide i 2. og 3. trimester
Prematurt fødde barn
Barn/vaksne med nedsett immunforsvar eller annan alvorleg eller kronisk sjukdom (t.d. diabetes, lungesjukdom, hjarte-/karsjukdom, leversvikt, nyresvikt).
Andre målgrupper:
Tilsette i helse- og omsorgstenester
Artikkelen held fram under annonsen.
Nærkontaktar til immunsupprimerte pasientar
Personar som jobbar med levande grisar eller mistenkt influensasjuke fuglar
Influensavaksinen kan kombinerast med koronavaksine, påpeikar kommunen.
Personar i risikogrupper får koronavaksine gratis.
– Sjølv om koronasmitten er låg for tida, ventar vi ein auke seinare i vinter, avsluttar kommuneoverlegen i saka på kommunen sine heimesider.
