Nekta for mobilbruk. Føraren ville heller ikkje visa fram førarkortet
Det opplyser politiet torsdag, og legg til at det er oppretta sak.
Politiet stansa eit køyretøy ved barnehagen i Hegglandsdalen onsdag formiddag.
— Føraren, ein mann i 50-åra, brukte mobilen under køyring, men erkjente ikkje dette. Han ønskte heller ikkje å visa fram førarkortet. Det er oppretta sak på begge forholda, opplyser politioverbetjent Anne Lyssand i ein e-post.
Artikkelen held fram under annonsen.
Laserkontroll i Endelausmarka
Politiet var på plass i Endelausmarka onsdag kveld klokka 21 for å gjennomføra laserkontroll i 100-sona.
— Ingen reaksjonar, skriv Lyssand.
Vidare opplyser Lyssand om at patruljen tok seg ein tur til Ung Arena onsdag ettermiddag.
— Det sette dei om lag 65 ungdomane som var på staden, pris på.
