MOT til å gleda
Måndag morgon fekk «Os og Fusaposten» hyggjeleg vitjing av MOT-elevar frå Os ungdomsskule. Jentene vil spreia litt glede.
Os kommune har vore ein MOT-kommune sidan 2006. Organisasjonen har også direkte samarbeid 300 ungdomsskuler i landet. Mellom anna begge ungdomsskulane i Os.
- Me er 12 MOT-representantar på Os ungdomsskule. I dag er me ute og spreiar glede til folk i Os, fortel Maren Ognøy, Malin Skulstad Størksen og Christiane Kronstad Gjertsen.
Artikkelen held fram under annonsen.
MOT-gruppa var delt i to for dagen.
- I dag er det MOT og glede-dagen. I samband med det med det deler me ut pepar-kaker og fortel folk om organisasjonen og arbeidet den står for, seier jentene.
Då dei var innom lokalavisa hadde dei vore på Rådhuset. Sidan skulle dei besøka alle butikkane i sentrum, samt Kyrkjetunet.
Haldningsskapande arbeid
For uinvidde er MOT altså ein haldningsskapande organisasjon som jobbar for å styrkja ungdom si evne til å stå imot, ikkje lata seg påverka av press og våga å seia nei. Organisasjonene vart starta av Atle Vårvik og Johan Olav Koss i 1997. Den gong med hovudfokus på kampen mot narkotika.
