Montér fekk overrekt beviset på at dei er Miljøfyrtårn
Ordførar Trine Lindborg stod for overrekkinga onsdag.
Optimera sentralt, som Montér er del av, vart sertifisert i februar 2020. Montér i Kolskogen vart sertifisert i november i fjor. I dag fekk dei sjølve utmerkinga overrekt av ordføraren.
Kjeldesortering i inne- og ute-butikk, miljøvenlege koppar og sortering av alle byggjemateriala, er berre nokre av tiltaka verksemda gjennomfører. Dei har også teke i bruk signerings-iPad for å unngå utskrift av papir, og i 2019 byta verksemda til el-truckar.
Artikkelen held fram under annonsen.
Optimera skriv i ein felles uttale at «miljø og berekraft er eit felles ansvar, og ei prioritert satsing hos oss».
– Miljøfyrtårn gjer det lettare for Optimera å strukturera og få heilskapleg kontroll på miljøarbeidet. Kriteria gjer også at vi må tenkja nytt og vidareutvikla rutinane våre, heiter det vidare.
Samtlege sjølveigde Montér-butikkar her i regionen er no sertifiserte, inkludert distribusjonslageret på Ulven.
