Melding om uavklart trusselsituasjon: Politiet fekk kontroll på mann i 50-åra
Meldinga kom inn torsdag ettermiddag.
— Klokka 17.50 blei det meld om ein uavklart trusselsituasjon i nærleiken av Os sentrum. Politiet fekk kontroll på den mistenkte mannen, som er i 50-åra. Det er ikkje oppretta sak på forholdet, skriv politioverbetjent ved Bjørnafjorden politistasjon, Christine Grindstein, i ein e-post.
Kontroll ved Halhjemsvegen
Torsdag ettermiddag hadde Utrykkingspolitiet trafikkontroll i 70-sona ved Halhjemsvegen. Tre personar fekk forenkla førelegg, opplyser Grindstein.
Artikkelen held fram under annonsen.
Høgaste fart skal ha vore 81 km/t.
Krangel mellom kvinne og mann
Litt tidlegare torsdag, i 15.30-tida, fekk politiet melding om ordensforstyrring eller ein mogleg konfrontasjon i Os sentrum. Ein mann og ei kvinne skal ha vore involverte.
— Ingen av partane ønskte å melda kvarandre, og dei blei dimitterte frå staden, skriv Grindstein.
