To båtar gjekk ned. Den tredje er heilt utbrent
Brannvesenet fekk kontroll etter iherdig innsats.
Politiet fekk 12.26 melding om ein fritidsbåt som stod i full fyr «ved ein kai i Halhjemsområdet».
Brannen starta i ein seglbåt i Os Båtforening sitt anlegg i Vargavågen.
Artikkelen held fram under annonsen.
Det var Dag Christer Kristoffersen som varsla politi og brannvesen.
– Eg kom inn til brygga med eigen båt, og venta på dei eg skulle plukka opp. Plutseleg kjende eg ei voldsom svilukt. Eg snudde meg, og såg båten som stod i full fyr, fortel han.
Det er ikkje meldt om personskadar, men brannen spreidde seg til to andre båtar.
Video: Rebecka Z. Sæthre
Det utvikla seg mykje og giftig røyk i området, så folk vart bedne om å halda seg unna.
Brannen spreidde seg til to båtar. To av båtane gjekk ned. Den tredje er heilt utbrent.
Det vart oppretta ei tryggingssone på 100 meter på grunn av mykje røyk og fare grunna propananlegg om bord.
Store styrkar frå brann og politi var i sving. Ambulansebåten hjelpte også til med sløkkingsarbeid.
Artikkelen held fram under annonsen.
