MC-førar felt av hjort

I 60 km i timer gjekk ein MC-førar i bakken då ein hjort sprang ut framfor motorsykkelen fredag kveld.

Ein MC-førar gjekk i bakken fredag kveld, då ein hjort kom løpande ut i vegen framfor motorsykkelen. Uhellet som var meldt til politiet klokka 20.58, skjedde på Nore Neset mellom skulen og Irgenskrysset.

Føraren fall i bakken i ca 60-km i timen. Vakthavande betjent ved Os lennsmannskotor opplyser at skadeomfanget er uvisst.

-  Det er mogleg føraren hadde brotskade i ein hand, men vi har ikkje fått tilbakemelding på det, seier betjenten. 

 

 

Påkøyrsle bakfrå

Fire minutt seinare kom det ny melding om trafikkuhell. Denne gongen i Søvikvegen. Der hadde ein bilførar stoppa for ein som kom i mot på eit smalt parti.

- Bilen bak stoppa ikkje og køyrde i baken på bilen framfor, fortel vakthavande betjent. 

Der var ein person i bilen som kom bak og var årsak til uhellet, og fleire i den andre. Det er ikkje meldt om personskade.

 

 

Hjort måtte avlivast

Ein moped vart stoppa på Byvegen klokka 22.13 fredag kveld. Skiltet var bøygd oppover og umogleg i lesa. Føraren fekk beskjed om å ordna dette.

Natt til lurdag klokka 00.05 blei ein hjort påkøyrd i Hegglandsdalen. Vilnemnda blei kontakta og den uheldige hjorten avliva. 

Patrulja såg seg nøydd til å visa bort ein sint og sur person som oppheldt seg utanfor utestad i Os klokka 00.45 natt til laurdag. Personen skal ha etterfølgde ordre. 

I 1-2-tida natt til laurdag vart ein pers køyrd heim av taxi, utan å gjera opp for seg.

- Eg vil anta dei ordnar opp i ettertid, seier vakthavande betjent ved Os lennsmannskontor. 

Gjennom heile helga har politiet stoppa bilar på natta og sjekka førar for førarkort og promille. Dei har kontrollert mange utan å koma over nokon med promille.