Det kjem godt med at Maria Steien er medlem av Opptur Motbakkeklubb og kjapp og lett på labben. Fredag morgon sprang ho for å rekkja over alle kundane i butikken.
Det kjem godt med at Maria Steien er medlem av Opptur Motbakkeklubb og kjapp og lett på labben. Fredag morgon sprang ho for å rekkja over alle kundane i butikken.

Måtte springa for kundane

Tilbodsvarene gjekk unna etter Black Friday-opninga i AMFI Os i dag tidleg. I Sport1-butikken sprang dei for kundane.

Kenneth Svenningsen
Publisert: 27.11.2015 09:40 Sist oppdatert: 21.03.2017 13:18

Den norske handelstanden har forlengst importert amerikanske tilbods-tradisjonar. Fredag morgon opna AMFI Os dørene så tidleg som klokka 07. Høvet var Black Friday, tradisjonen der ein legg ut ei rekkje tilbodsvarer dagen etter Thanksgiving.

Kø til å leva med

Black Friday-konseptet markerer også starten på julehandelen. I AMFI Os var det mange som kunne stadfesta dette.

Artikkelen held fram under annonsen.

- Ja, eg er ute og handlar julegåver, men du får ikkje vita kva. Nokre av dei eg kjøper til kan lesa, humra Kjetil Hansen.

Politimannen rakk ein morgon-handel med konemor før han skulle på vakt på Os lensmannskontor.

- Det er bra kø her, men det går jo framover, seier Kjetil.

Veronika Flotve Røssland og kollegaane på Ringo Pluss ekspierte i rekordfart for å få fortgang i den lange køen.
Veronika Flotve Røssland og kollegaane på Ringo Pluss ekspierte i rekordfart for å få fortgang i den lange køen.
Kjetil Hansen stod eit kvarter i kø for å kjøpa litt julegåver.
Kjetil Hansen stod eit kvarter i kø for å kjøpa litt julegåver.
Alt ein halvtime etter opning gav Andreas Søfteland opp å telja kor mange som hadde vore ekspidert. - Det har vore mange, og flerie vert det garantert utover dagen, smiler Søfteland.
Alt ein halvtime etter opning gav Andreas Søfteland opp å telja kor mange som hadde vore ekspidert. - Det har vore mange, og flerie vert det garantert utover dagen, smiler Søfteland.

Han antok at han hadde stått kring eit kvarter i køen, før han nær var framme.

Bak kasseapparata på Ringo Pluss, sveitta dei tilsette godt. Men dei unge og kjappe ekspeditør-jentene klarte likevel å gleda seg over den store trøkken.

- Det er heilt vilt, me har vel hatt over 200 inne berre no første tre kvartera, seier Veronika Flotve Rossland.

Mykje springing

På Elkjøp var det definitivt størst kø heilt i starten. Flatskjermar, telefonar og lap-toppar fekk bein å gå på. Men knappe halvtimen etter opning var det faktisk mogleg å få tak betjeninga rimeleg raskt.

- Ein del av tilbodsvarene går kjapt, men me har mange godsaker igjen, seier Fredrik Andresen.

Artikkelen held fram under annonsen.

På Sport1-butikken i andre høgda var det framleis bra med folk i det klokka passerte kvart på åtte.

Opptur-paret Maria Steien og Andreas Søfteland fekk god bruk for løpsstyrken då dei måtte dekkja store salsflater på kort tid.

- Det var heilt vilt i starten, men no rekk me å berre småjogga, skjemta Søfteland.

Han la til at også dei hadde mykje salsvarer igjen til dei som ville stikka innom seinare på dagen.

NYHENDE

Fekk du med deg desse?


På framsida no