Mann fråteken førarkortet etter ulukka på Nore Neset

Det opplyser skadestadsleiaren tysdag føremiddag.

Vel kl 11 tysdag føremiddag dirigerte politiet framleis trafikken etter front mot front ulukka på Skeisflaten på Nore Neset kring kl 9 i dag tidleg.

Bergingsbil var då på staden.

Skadestadsleiaren opplyser til Os & Fusaposten at det var éin person i kvar bil. Førarane var ei kvinne og ein mann i 20-åra.

Dei er begge sendt til sjekk på legevakta.

Mannen i 20-åra er ifølgje politiet fråteken førarkortet etter hendinga.

Politiet har oppretta sak og det vert gjort vidare undersøkingar.