Lyktestolpe sperrar vegen
Ein lyktestolpe har ramla ut i vegen på Skeisflaten på Nore Neset. Stolpen sperrar heile bilvegen og trafikkantane som skal forbi må i augneblinken køyra forbi på fortauget.
Då «Os og Fusaposten» fekk tips om dette i 15.20-tida fredag var det ingen andre etatar i Os som var blitt gjort merksame på lyktestolpe-velten.
- Dette har me ikkje fått melding om, men dersom stolpen hindrar trafikken, må me gjera noko. Eg sender ut folk med ein gong, lydde svaret frå brannsjef Stein Gjøsund.
