Leiteaksjon i Øyane - søka held fram på morgonen

Samtlege naudetatar rykka i går kveld ut etter melding om skrik om hjelp frå sjøen i Lepsøy. Framleis er det ikkje gjort funn, og dei same områda som det har vore leita i i natt skal no søkjast i på nytt. Det opplyser operasjonssentralen ved Hordaland politi,

Meldinga om skrik om hjelp kom vel klokka 23 i går kveld. Store ressursar har i  heile natt søkt både på land og i sjø.

Politi, brann, Røde Kors, Norske Redningshunder, Sivilforsvaret, Norsk Folkehjelp og fleire sivile har vore med i søket.

Det er gjort funn av ein kajakk og ei åre.

- Me held på med mannskapsbyte no på morgonen. Området som det er søkt i i natt skal søkjast om att no, seier vakthavande vedoperasjonssentralen. Herfrå vert det også opplyst at dei per no ikkje har fått inn noko sakna-melding frå området.

Ein person har ringt inn og sagt det kanskje er hans kajakk, men politiet jobbar med å få dette stadfesta.