Langedalen og Søvikåsen er stengd
Både Ole Bulls veg (over Søvikåsen) og Langedalen er stengde inntil vidare.
– Vi stengde Ole Bulls veg i går kveld klokka 21.30, fordi ekstremvêret Aina er på veg innover Vestlandet, seier teknisk vakt i Os kommune, Robert Flister og held fram:
– Det er ugunstig vindretning i forhold til vegen og trea oppe i sida der. Det er rasfare, og det har vist seg at fleire andre tre i kommunen har falle ned. Vi tek ingeb sjansar.
Artikkelen held fram under annonsen.
Tre over straumline
Ole Bulls veg vil vera stengd i alle fall ut fredag. Kanskje til og med laurdag. Det vil kommunen ta ei løpande vurdering på.
For om lag ein time sidan, blei også Langedalen stengd.
– Eit tre har falle over straumliner. BKK er på veg til staden. Det er også vårt mannskap. Det er usikkert kor lenge vegen må vera stengd. BKK må kutta straumen i området for å jobba, seier Flister.
