Kommunen tilrår bruk av munnbind igjen
Onsdag ettermiddag gjorde kommuneoverlege Klaus Melf det klart at Bjørnafjorden kommune igjen tilrår bruk av munnbind.
«Bergen og fleire av omegnskommunane våre har høge smittetal for tida. Trenden i Bjørnafjorden er òg stigande», står det å lesa på kommunens heimesider onsdag ettermiddag.
Klaus Melf kommenterer saka slik:
Artikkelen held fram under annonsen.
— Det er berre eit tidsspørsmål før me ser endå høgare smittetal i vår kommune. Difor er det så viktig at me alle saman gjer det me kan for å bremsa og stansa utviklinga, seier kommuneoverlege Klaus Melf.
Kommunal kriseleiing vedtok onsdag ei anbefaling om bruk av munnbind der du ikkje kan halda minimum ein meters avstand, det vil seia på kollektivtransport, kjøpesenter, butikkar, arrangement og andre stader kor det kan vere trongt om plassen. Det er òg innført bruk av munnbind for besøkande til sjukeheimane i Bjørnafjorden.
