Kom heim frå ferie og oppdaga eit videokamera som var montert mot heimen
Politiet fekk melding om ubehageleg oppleving laurdag formiddag.
Ei kvinne skal laurdag ha oppdaga eit videokamera som var montert mot heimen hennar medan ho var på ferie.
— Ho opplevde det ubehageleg og ønskjer å melda vedkomande bebuar, skriv politioverbetjent Anne Lyssand ved Bjørnafjorden politistasjon i ein e-post.
Artikkelen held fram under annonsen.
Vidare skriv Lyssand at politiet diverre får “ein god del” meldingar om monterte videokamera i burettslag.
— Vi bed om at styrar i burettslag tek ansvar når det gjeld bruk av videokamera. Burettslag og sameige kan vedta forbod mot bruk av videokamera. Dersom ikkje dette blir følgd, må styret ta kontakt med sameiget sin advokat som handterer saka vidare, skriv Lyssand.
