- Knivofferet (44) var svært heldig

- Det går mykje betre med vår kollega enn me alle hadde frykta, seier Compacten-direktør Per Henning Hamnes.

I går kveld fekk Hamnes gladmeldinga frå Haukeland sjukehus: Det går mykje betre enn frykta med kvinna som i går vart knivstukken med fleire stikk.

- Me fekk gode nyhende. Skadane ho er blitt påført var ikkje så ille som me alle trudde. Ho har vore svært heldig, seier Hamnes.

Alle dei tilsette vart i går bedne om å møta på jobb i dag for å bli orienterte om saka. På eit allmøte kunne Hamnes orienterte om den positive utviklinga.

I gang med produksjonen att

Deretter vart produksjonen sett i gang att.

- Me konkluderte med at det var riktig å stoppa produksjonen både i går formiddag og på ettermiddagsskiftet, men at det var like rett å setja i gang att produksjonen i dag. Det er framleis ein del av lokalet me ikkje kan bruka, pga. politisperring, men det hindrar oss ikkje i å produksjonen, seier Hamnes vidare.

Han seier at dei tilsette som følte behov har fått tilbod om ein ekstra samtale med fagpersonell i dag.